Edukazzjoni u Taħriġ
L-Akkademja għall-Forzi Dixxiplinati f’Malta hija fornitur ta’ żvilupp u taħriġ professjonali kontinwu tat-trainees tal-Forzi Dixxiplinati, u ta’ taħriġ ta’ kwalità għolja relatat mal-formazzjoni u t-titjib professjonali tal-ħiliet, l-attitudnijiet u l-prattiki.
L-Akkademja tfassal il-programmi tagħha fuq dawn il-pilastri importanti:
1.
Taħriġ tar-Rekluti tal-Forzi Dixxiplinati
2.
Taħriġ Speċjalizzat iddisinjat apposta għax-xogħlijiet differenti tal-Forzi Dixxiplinati
3.
Taħriġ għall-Progressjoni Vertikali tal-Karriera fi ħdan il-Forzi Dixxiplinati
4.
Taħriġ għall-Progressjoni Orizzontali tal-Karriera bejn il-Forzi Dixxiplinati u lil hinn
5.
Akkreditazzjoni ta’ Tagħlim Preparatorju u Tagħlim Ibbażat fuq ix-Xogħol
L-Akkademja qed tiżviluppa programm komprensiv ta’ Taħriġ ta’ Reklutaġġ, Taħriġ Speċjali, u Taħriġ għall-Progressjoni fil-Karriera għall-Forzi Dixxiplinati. Il-programmi ta’ taħriġ huma mibnija skont ir-rekwiżiti speċifiċi tal-Forzi Dixxiplinati rispettivi u żviluppati abbażi tal-Analiżi perjodika tal-Bżonnijiet tat-Taħriġ.
